له كۆبوونهوهى یهكێتى و پارتیدا چۆن باسى مووچه و قهوارهى ههرێم كرا
لۆگۆى یهكێتیى نیشتمانیى كوردستان و پارتى دیموكراتى كوردستان | فۆتۆ: SNN
SNN
كهمێك لهمهوبهر، یهكێتیى نیشتمانیى كوردستان و پارتى دیموكراتى كوردستان راگهیهنراوێكى هاوبهشیان لهبارهى كۆبوونهوهى ئهمڕۆیان بڵاوكردهوه.
ئهمڕۆ یهكشهممه 4ى شوبات، شاندى باڵاى یهكێتیى نیشتمانیی كوردستان و پارتى دیموكراتى كوردستان له دهباشان كۆبوونهوه. بافڵ تاڵەبانی، سهرۆكى یهكێتى سەرۆكایەتی وەفدى حزبەكەى كرد و شاندی پارتیش بە سەرۆکایەتی فازل میرانی، بەرپرسی دەستەی کارگێڕیی مەکتەبی سیاسی پارتى بوو.
له بهشێكى راگهیهنراوهكهدا كه بڵاوكراوهتهوه هاتووه، ” بۆ چارەسەری کێشە سیاسی و ئابوورییەکانی هەرێم لەگەڵ حکومەتی فیدڕاڵی لەئاستێکی باڵا هەردوولا پێکەوە هەوڵی چارەسەرکردنی کێشەکان بەگشتی و بژیوی و ژیان و خزمەتگوزاری و بودجە و مووچە بدەین بە تایبەتی”.
دهقى راگهیهنراوه هاوبهشهكه
راگەیاندراوی هاوبەشی پارتی دیموکراتی کوردستان و یەکێتیی نیشتمانیی کوردستان
کۆبوونەوەی هاوبەشی هەردوو مەکتەبی سیاسی پارتی دیموکراتی کوردستان و یەکێتیی نیشتمانیی کوردستان لە دەباشان بەڕێوەچوو .
کۆبوونەوە دوای هەڵسەنگاندن و گفتوگۆ لەسەر بارودۆخی سیاسی و ئابووری هەرێم و کێشەچارەسەر نەکراوەکان لەگەڵ حکومەتی فیدڕاڵ بە گشتی و بودجە و بژێوی ژیان و موچەی فەرمانبەران بە تایبەتی، لەلایەک و هەڵبژاردنەکانی ئەنجوومەنی پارێزگاکان لەلایەکی دیکەوە، دوای بیروڕا گۆڕینەوە و لەبەرچاوگرتنی بەرژەوەندی باڵای نەتەوەیی و نیشتمانیی هاوڕابووین لەسەر ئەم خاڵانەی خوارەوە :
1 – هەردوولا کۆک بووین لەم قۆناغەدا لەپێناو بەرژەوەندی هاووڵاتیانی پارێزگای کەرکوک
بە هەموو پێکهاتەکانیەوە پارێزگارێکی کورد دیاری بکرێت بۆ خزمەتی خەڵکی شارو شارۆچکەکان .
2 – هەردوولا هاوڕابووین ئەرکی سەرشانی یەکێتی و پارتی و سەرجەم لایەنە کوردستانییەکانە قەوارەی هەرێم بپارێزن و پارێزگاری لە دەستکەوتەکانی شۆڕش و خەبات و خوێنی شەهیدانی کوردستان بکەین .
3 – بۆ چارەسەری کێشە سیاسی و ئابوورییەکانی هەرێم لەگەڵ حکومەتی فیدڕاڵی لەئاستێکی باڵا هەردوولا پێکەوە هەوڵی چارەسەرکردنی کێشەکان بەگشتی و بژیوی و ژیان و خزمەتگوزاری و بودجە و مووچە بدەین بە تایبەتی.
