لە قەزای دوکان دوو کەس هەڵدەکوتنە سەر فەرمانبەرێک و مووچەکەی لێ دەدزن

SNN

بەیانی ئەمڕۆ یەکشەممە، لە قەزای دوکان، دوو کەس هەڵدەکوتنە سەر پۆلیسێکی کارەبا لە نزیک کارگەی غازی دووکان دوای قۆڵبەستکردنی مووچەکەی خۆی و باوکی پۆلیسەکە و چەکەکەی خۆی و هاوڕێکەشی دەبەن.

بەپێی زانیارییەکانی SNN، رووداوەکە بەیانی ئەمڕۆ یەکشەممە، لە قەزای دوکان روویداوە و ئەو پۆلیسەی کە پارەکەی لێ دەدزرێت ناوی (عەبدوڵا محەمەد عەلی)ە، دوای ئەوەی دوو تۆمەتبارەکە بە دەمووچاوی هەڵبەستراوەوە کارەبای کابینەکەی لەسەر دەکوژێنەوە کە تێیدا ئێشگرە، هەڵدەکوتنە سەر پۆلیسەکە و لە ڕێگەی کەلەپچەی نایلۆنەوە قۆڵبەستی دەکەن و مووچەکەی خۆی و باوکی کە بڕی زیاتر لە ملیۆنێک و 500 هەزار دینارە لەگەڵ چەکی خۆی و هاوڕێکەی لە جۆری (کڵاشیکۆف) دەدزن.

شایەنی ئاماژەپێکردنە لەسەر ئەم رووداوە پۆلیسی قەزای دووکان هیچ روونکردنەوەیەکی نەداوە.