پڕۆژەیەکی کارەبا لە سلێمانی جێبەجێدەکرێت

SNN

به‌ڕێوه‌به‌رایه‌تی گشتی كاره‌بای سلێمانی رایگەیاند، لە چوارچێوەی پڕۆژەکان و لەسەر داهاتی وەزارەتی کارەبا، بەبڕی نزیکەی 190 ملیۆن دینار پرۆژه‌یه‌كی كاره‌با له‌ سلێمانی جێبه‌جێده‌كرێت.

ئەمڕۆ یەکشەممە، 11ـی شوبات، به‌ڕێوه‌به‌رایه‌تی گشتی كاره‌بای سلێمانی ئاشکرایکرد،  له‌سه‌ر بودجه‌ی داهاتی 8%ی كاره‌با به‌بڕی نزيكەى (190) ملیۆن دینار پرۆژه‌یه‌كی كاره‌با له‌سلێمانی جێبه‌جێده‌كرێت.

ئاماژەی بەوەکردووە، پرۆژه‌كه‌ چەند بڕگەیەک لە خۆدەگرێت کە بریتییه‌ له‌ (راکێشانى کارەبا و دانانى محەویلەیه‌ک بۆ گوندى سەردارئاوا، دەرکردنى فیدەرێکى نوێى مساعد بۆ فیدەرى 292ى وێستگەى گۆڕینى کارەباى نیشتمان، لە سنورى بەڕێوەبەرایەتى دابەشکردنى کارەباى رۆژئاوا).

رونیشیکردەوە، کۆى گشتى بودجه‌ی پڕۆژه‌كه‌ بریتییه‌ له‌ (189.396.000) دینارە و پرۆژەکە  له‌لایه‌ن كۆمپانیای (زۆیا) جێبه‌جێ ده‌كرێت و بڕیاره‌ له‌ماوه‌ی 75 رۆژدا كاره‌كانی ته‌واو بێت.