ئیسرائیل به چڕى ڕهفهحى بۆردومان كرد و 300 كوژراو ههیه
دیمهنێكى هێرشهكهى سهر كهرتى غهززه له رۆژى 25 مینیدا | فۆتۆ: AA
SNN
بهرهبهیانى ئهمڕۆ سوپاى ئیسرائیل چهند ناوچهیهكى له رهفهح له باشوورى غهززه بۆردومان كردن و بهپێى زانیارییهكانى تهندروستى غهززه، تاوهكو ئێستا 300 كوژراو ههیه. سهرۆكى ئهمریكاش داواى راگرتنى ئۆپراسیۆنهكه دهكات.
بهرهبهیانى ئهمڕۆ دووشهممه 12ى شوبات، سوپاى ئیسرائیل رایگهیاند، ئۆپراسیۆنێكى سهربازیان بۆسهر شارۆچكهى رهفهح له باشوورى غهززه دهستپێكردووه بهمهبهستى رزگاركردنى سێ بارمته و توانیویانه ههرسێكیان ئازاد بكهن”.
هاوكات وهزارهتى تهندروستى غهززه لهبارهى ئۆپراسیۆنهكهوه بڵاویكردهوه، “ئیسرائیل 14 خانوو و سێ مزگهوتنى كردوونهته ئامانج. بهپێى ئهنجامه سهرهتاییهكان، 300 كهس كوژراون كه بهشێكى زۆریان هاووڵاتى سڤیلن”.
ههر لهوبارهیهوه، بهرهبهیانى ئهمڕۆ جۆو بایدن، سهرۆكى ئهمریكا پهیوهندییهكى تهلهفۆنى لهگهڵ بنیامین نهتانیاهو، سهرۆكوهزیرانى ئیسرائیل ئهنجامدا. بهپێى زانیارییهكانى كۆشكى سپى، “سهرۆكى ئهمریكا جهختى لهسهر ئهوه كردووهتهوه، چوونه نێو شارى رهفهح پێویستى به ئۆپراسیۆنێكى سهربازى تۆكمه و پلانبۆداڕێژراو ههیه، ناكرێت بهشێوهیهكى بێ پلان هێرشبكرێتهسهر ئهو شاره”.
سهرۆكى ئهمریكا له پهیوهندییه تهلهفۆنییهكهیدا وتوشیهتى: “ئهگهر ئۆپراسیۆنهكه بێپلانه پێویسته رابگیرێت”.
شارۆچكهى رهفهح دهكهوێته باشوورى كهرتى غهززه، لهدواى رووداوهكانى 7ى تشرینى دووهمى 2024 و دهستپێكردنى شهڕى حهماس و ئیسرائیل كهرتهكه بووهته پهناگه بۆ زیاتر له ملیۆنێك ئاوارهى كهرتى غهززه. هاوكات دهروازهیهكه بۆ دهروازهى سنوورى رهفهح كه هاوسنووره لهگهڵ میسر.
بهرهبهیانى رۆژى شهممه 7ى تشرینى دووهم، بزووتنهوهى حهماس 5 ههزار مووشهكى بهیهكهوه ئاراستهى ئیسرائیل كرد، به 250 پاراگلایدهر به قوڵى 25 بۆ 60 كیلۆمهتر چووه نێو خاكى ئیسرائیل، هاوكات به 200 چهكدارى خۆكوژ هێرشى كرده سهر سنوورى نێوان كهرتى غهزه و ئیسرائیل، له ئهنجامدا ئیسرائیل هێرشى بۆسهر كهرتى غهززه دهستپێكرد.
لهپاش تێپهڕینى زیاتر له سێ مانگ تاوهكو ئێستا شهڕهكه بهردهوامه، بهپێى ئامارهكانى تهندروستى فهڵهستین تاوهكو ئێستا 27 ههزار كهس له غهززه كوژراون و دهیان ههزارى تریش برینداربوون كه بهشێكى زۆریان ژن و منداڵن.
