ئیسرائیل بۆ حەماس: دیلەکانمان ئازاد نەکرێن جەنگ هەموو شوێنێک دەگرێتەوە بە رەفەحیشەوە

SNN-

ئیسرائیل ھەڕەشەی دەستپێکردنی ھێرشی زەمینی بۆ سەر رەفەح دەکات و دەڵێت: ئەگەر تاکو رەمەزان حەماس دیلەکانیان ئازاد نەکات جەنگ رەفەحیش دەگرێتەوە

بینی غانتس، وەزیری ئەنجومەنی جەنگی ئیسرائیل رایگەیاند، دەبێت جیھان و سەردەکانی بزوتنەوەی حەماسیش بزانن ، ئەگەر تا مانگی رەمەزان دیلەکانیان ئازاد نەکەن ئەوا شەڕ بەردەوام دەبێت و جەنگ هەموو شوێنێک دەگرێتەوە بە رەفەحیشەوە.

راشیگەیاند، ھێرشی زەمیینی بۆ رەفەح بە شێوەیەکی رێکخراو دەبێت و سەرەتا کارئاسانی بۆ گواستنەوەی مەدەنییەکان دەکەن لەو شارە لە رێی دانوستان لەگەڵ ھاوبەشە ئەمریکی و میسرییەکانیانەوە ئەوەش بەو ئامانجەی بەپێی توانا ژمارەی قوربانییە مەدەنییەکان کەمبکەنەوە.

وەزیری ئەنجومەنی جەنگی ئیسرائیل ئاماژەی بەوەشکردووە، دەبێت چەکدارانی حەماس خۆیان رادەست بکەن و بارمتەکانیش ئازاد بکەن، بەو شێوەیش دانیشتوانی غەززە دەتوانن جەژنی رەمەزان بگێڕن .