له نیوهى دووهمى ئهمساڵدا عێراق پێویستى به هاوردهكردنى بهنزین نامێنێت”
پاڵاوگهى بهرههمهێنانى بهنزینى محسن له كهركوك | فۆتۆ: 964
SNN
وهزیرى نهوتى عێراق رایدهگهیهنێت، دانووستانهكانى دهستپێكردنهوهى ههناردهى نهوتى ههرێمى كوردستان بهشێوهیهكى ئهرێنێ بهڕێوهدهچن، دهشڵێت: “له نیوهى دووهمى ئهمساڵدا دهگهینه ئاستى خۆبژێنى له بهرههمهێنانى بهنزیندا”.
ئهمڕۆ شهممه 24ى شوبات، حهیان عهبدولغهنى، وهزیرى نهوتى عێراق لهمیانى بهشداریكردنى له پانێڵێكى گفتوگۆدا له شهشهمین كۆنفڕانسى (گفتوگۆى بهغدا) باسى له چهند پرسێكى جیاواز كرد و له بهشێكیدا لهبارهى دهستپێكردنهوهى ههناردهى نهوتى ههرێمهوه رایگهیاند، “گفتوگۆكانى دهستپێكردنهوهى ههناردهى نهوتى ههرێم لهگهڵ كۆمپانیا وهبهرهێنهرهكانى نهوتى ههرێمى كوردستان بهشێوهیهكى ئهرێنێ بهڕێوهدهچن”.
لهبارهى هۆكارى نهگهیشتنیان به رێككهوتنى یهكلاكهرهوه، وهزیرى نهوتى عێراق ئهوهى خستهڕوو، “كێشهى سهرهكى ئێمه بریتیه له رێكنهكهوتن لهسهر نرخى ههنارده، گفتوگۆكانما تاوهكو ئێستا بهردهوامن”.
وهزیرى نهوتى عێراق بهشێكى ترى قسهكانى تهرخانكرد بۆ باسكردن له گۆڕانى عێراق له وڵاتێكى هاوردهكهرى سووتهمهنیهوه بۆ وڵاتێكى ههناردهكهر و ئاشكراى كرد، “له نیوهى دووهمى ئهمساڵدا هاوردهكردنى بهنزین رادهگرین و دهگهینه ئاستى خۆبژێنى له بهرههمهێنانى بهنزیندا”.
به وتهى وهزیرى نهوتى عێراق، “له پلانیاندا ههیه عێراق بكهنه وڵاتێكى ههناردهكهرى سووتهمهنى”.
