محهمهد حاجى مهحمود بڕیارى سڕكردنى براكهى دهركرد
كۆبوونهوهى ئهمڕۆى مهكتهبى سیاسى حزبى سۆسیال دیموكراتى كوردستان | فۆتۆ: جهماوهر Tv.
SNN – عەلی حەمە سەعید
ئهندامێكى مهكتهبى سیاسى پارتى سۆسیال دیموكراتى كوردستان رایدهگهیهنێت، حزبهكهى بڕیارى بهستنى كۆنگرهیداوه، دهشڵێت: “له كۆنگرهى ئهمڕۆیدا پارتهكه بڕیارى سڕكردنى عهبدوڵا حاجى مهحمودى دهركردووه تاوهكو بهستنى كۆنگره”.
ئهمڕۆ ههینى 1ى ئازار، له گوندى گوڵهخانه مهكتهبى سیاسی پارتی سۆسیال دیموكراتى كوردستان كۆبوویهوه و بە زۆرینەی دەنگ پێشنیارێكی سەرۆكی حزب پەسەندكرا بە بەستنی كۆنگرە لە ئایندەیەكی نزیكدا.
لهوبارهیهوه، فەرهاد قادر، ئەندامی مەكتەبی سیاسی پارتی سۆسیال دیموكراتی كوردستان بە SNNی راگەیاند، “له كۆبوونهوهى ئهمڕۆدا بە زۆرینەی دەنگی ئەندامانی مەكتەبی سیاسی پێشنیارێكی محهمهد حاجى مهحمود، سەرۆكی حزب پەسەندكرا بە بەستنی كۆنگرە لە ئایندەیەكی نزیكدا”.
وتیشى: “هەر لەو كۆبوونەوەیەی ئەمڕۆدا بڕیاردرا كە لە سبەینێوە لیژنەیەك بۆ سەرپەرشتیكردن و ئامادەكاری بۆ بەستنی كۆنگرەی هەشتەمی دەستبەكاربێت، بۆ ئەوەی لە ئایندەیەكی نزیكدا كات و شوێنی بەستنی كۆنگرەكە دیاریبكەین”.
لهبارهى چارهنووسى عەبدوڵای حاجی مەحمود، جێگرى سهرۆكى پارتهكه و ئهو بهرپرسانهى حزبهكه كه لایهنگرى دهكهن، ئاشكراى كرد، “بڕیاری سڕكردنیان دراوە تا بەستنی كۆنگرە. ئەو لیژنەیەی كە دیاری دەكرێت بۆ سەرپەرشتیكردنی كۆنگرە بڕیاریان لهبارهوه دهدات ئاخۆ رێگەدەدەن بەشداری بكەن یاخود بە یەكجاری دووردەخرێنەوە لە كۆنگرە و لە حزب”.
