مووچهخۆرانى ههرێم چۆن مووچهى مانگى ئازار وهردهگرن؟
دراوى 10 ههزارى عێراق | فۆتۆ: SNN
SNN
ئهندامێكى پێشووى لیژنهى دارایی له ئهنجوومهنى نوێنهرانى عێراق رایدهگهیهنێت، ئهگهر تاوهكو كۆتایی مانگى ئازار نهتوانرا ههژمارى بانكى بۆ مووچهخۆرانى ههرێم دروستبكرێت ئهوه هاوشێوهى رابردوو ههرێم لیستى مووچه دهنێرێت و بهپێى ئهوه پارهى مووچه دهنێردرێت بۆ ههرێم.
شێروان میرزا، ئهندامى پێشووى لیژنهى دارایی له ئهنجوومهنى نوێنهرانى عێراق لهمیانى بهشداریكردنى له دیدارێكى تایبهتى SNNدا وتى: “حكومهتى ناوهندى بهلایهوه مهبهسته حكومهتى ههرێم دهستبه ههنگاوهكانى دروستكردنى كارتى بانكى بكات، تهنانهت ئهگهر تاوهكو كۆتایی مانگى ئازار نهتوانرێت ههژمارى بانكى بۆ سهرجهم مووچهخۆران بكرێتهوه، حكومهتى ناوهندى ئامادهیه پاره بنێرێت”.
وتیشى: “ئهگهرهات و نهتوانرا ههژمارى بانكى بۆ مووچهخۆرانى ههرێم بكرێتهوه هاوشێوهى مانگهكانى رابردوو حكومهتى ههرێم لیستى مووچه رهوانهى بهغدا دهكات و بهپێى ئهو لیسته بهغدا پارهى مووچه رهوانهى ههرێم دهكات، چونكه ناردنى مووچه بڕیارى دادگا فیدراڵیه كه بهرزترین دهسهڵاتى دادوهرییه له عێراق”.
