کۆمسیۆن دەرگای بۆ تۆماركردنی هاوپه‌یمانێتی بۆ هەڵبژاردنی پەرلەمانی کوردستان کردەوە
كۆمسیۆنی باڵای سه‌ربه‌خۆی هه‌ڵبژاردنه‌كانی عێراق ده‌رگای بۆ تۆماركردنی هاوپه‌یمانێتییه سیاسییه‌كان بۆ هه‌ڵبژاردنی په‌رله‌مانی كوردستان كرده‌وه و دەڵێت:”له رۆژی 5ی ئه‌م مانگه‌وه تاوه‌كو 14ی مانگ ده‌توانن ناوی هاوپه‌یمانێتییه سیاسییه‌كانیان تۆمار بكه‌ن و ئه‌م واده‌یه درێژناكرێته‌وه”.
ئەمڕۆ یەکشەممە، 3ی ئازاری 2024، کۆمسیۆنی باڵای سەربەخۆی هەڵبژاردنەکانی عێراق رایگەیاند، رۆژی 5ی ئادار تا ئێوارەی 14ی ئادار حزب و لایەنە سیاسییەکان دەتوانن ناوی هاوپەیمانێتییەکانیان تۆمار بکەن، بۆ ئەو مەبەستەش لەو وادەیەوە ئه‌و لایه‌نه سیاسییانه‌ی هه‌رێمی كوردستان كه ده‌یانه‌وێت وه‌كو هاوپه‌یمانێتیی بچنه ناو هه‌ڵبژاردنه‌وه، سه‌ردانی فه‌رمانگه‌ی كاروباری حزبه سیاسییه‌كان له كۆمسیۆنی هه‌ڵبژاردنه‌كان بكه‌ن له به‌غداد یان ئۆفێسه‌كانی كۆمسیۆن له شاره‌كانی هه‌رێم، بۆ تۆماركردنی ناوی هاوپه‌یمانێتییه‌كه‌یان.
راگه‌یه‌ندراوه‌كه‌ی كۆمسیۆن دوای ئه‌وه دێت، ئه‌مڕۆ نێچیرڤان بارزانی سه‌رۆكی هه‌رێمی كوردستان رۆژی 10ی حوزه‌یرانی ئه‌مساڵ وه‌كو واده‌ی هه‌ڵبژاردنی خولی شه‌شه‌می په‌رله‌مانی كوردستان.
