سودانی دەوامی فەرمانگەکانی کەمکردەوە

SNN-

ئەمینداریەتی گشتی ئەنجوومەنی وەزیرانی عێراق رایگەیاند، لە مانگی رەمەزاندا یەک کاتژمێر دەوام لە فەرمانگە حکومییەکان کەمدەکرێتەوە.

ئەمڕۆ سێشەممە، 5ی ئازاری 2024، ئەمینداریەتی گشتی ئەنجومەنی وەزیران لە روونکردنەوەیەکدا دەڵێت:” محەمەد شیاع سودانی، سەرۆکوەزیرانی عێراق، بڕیاریداوە بۆ مانگی رەمەزان دەوامی فەرمانگەکان بۆ ماوەی یەک کاتژمێر لە فەرمانگەکاندا کەمبکرێتەوە”.

لە بەیاننامەکەدا هاتووە کە فەرمانگەکان خۆیان سەرپشکن لەوەی کە ئەو کاتژمێرە لە سەرەتای دەوام یان کۆتایی دەوام کەمبکەنەوە.