ئەمریکا 15 درۆنی حوسییەکانیان خستە خوارەوە

SNN

فەرماندەیى ناوەندى هێزەکانى ئەمریکا رایگەیاند، بەرەبەیانی ئەمڕۆ شەممە هێرشێکی گەورەیان کردووەتەوە سەر حوسییەکان و 15 درۆنیان خستووەتە خوارەوە.

ئەمڕۆ شەممە 9ی ئازار، فەرماندەی ناوەندی هێزەکانی ئەمریکا (سێنتکۆم) راگەیەنراوێکیان بڵاوکردووەتەوە و ئاشکرایدەکەن، بەیانی ئەمڕۆ حوسییەکان هێرشێکى بەرفراوانیان بە درۆن بۆ سەر کەشتییەکانى دەریاى سوور ئەنجامداوە، لە بەرامبەردا هێزەکانی ئەمریکا وەڵامیان داونەتەوە.

بەگوێرەیراگەیەنراوەکەی سێنتکۆم، ئەمریکا بە هاوکاریى هاوپەیمانەکانى بەرپەرچى هێرشى حوسییەکانى داوەتەوە و هێرشەکانى تێکشکاندووە و 15 درۆنی حوسییەکانیان خستووەتە خوارەوە.

ئەمە لە کاتێکدایە، حوسییەکان بەردەوام هێرشە دەکەن سەر کەشتییەکانی دەریای سور، ئەمەش نیگەرانی ئەمریکا و هاوپەیمانەکانی لێکەوتووەتەوە و جەندین جار وەڵامی هێرشەکانی حوسییەکانیان داوەتەوە.