بێگهرد تاڵهبانى بڕیارێكى دهركرد بۆ ههرزانكردنى نرخى تهماته
بهرههمى تهماته لهنێو عهلوهى سلێمانى | فۆتۆ: SNN
SNN
وهزیرى كشتوكاڵ و سهرچاوهكانى ئاوى حكومهتى ههرێمى كوردستان بڕیاریدا به هاوردهكردنى تهماته، بهمهبهستى ههرزانكردنى نرخهكه.
بهیانى ئهمڕۆ سێشهممه 12ى كانونى دووهم، نرخى تهماته له بازاڕهكانى ههرێمى كوردستاندا بهرزبوونهوهى بهخۆیهوه بینى، بهشێوهیهك نرخى كیلۆیهك تهماته لهنێو عهلوهى سلێمانى گهیشته ههزار و 250 دینار و لهنێو دوكانهكانیش ههزار و 500 دینارى تێپهڕاند.
لهو بارهیهوه، سهروهر محهمهد، سهرۆكى سهندیكاى كشتوكاڵى عهلوهى سلێمانى به SNNى راگهیاند، “هۆكارى رێگهگرتن له هاوردهكردنى تهماته بریتیبووه له پاڵپشتیكردنى بهروبومى جوتیاران، بهو هۆیهشهوه نرخى تهماته بهرزبووهتهوه”.
وتیشى: “ئهمڕۆ بێگهرد تاڵهبانى، وهزیرى كشتوكاڵ و حكومهتى ههرێمى كوردستان بڕیارى دهركردووه بۆ رێگهدان به هاوردهكردنى تهماته و له سبهیهوه بڕیارهكه دهچێته بوارى جێبهجێكردنهوه و پێشبینى دهكهین نرخى یهك كیلۆ تهماته بۆ 800 دیناردابهزێت”.
