کەشناسی کەشى پێشبینیکراوى 48 کاتژمێرى داهاتووی بڵاوکردەوە

SNN

بەگوێرەی پێشبینییەکانی کەشناسی، ئەمڕۆ ئاسمان نیمچە هەور دەبێت و دواتر دەگۆڕێت بۆ هەوری تەواو، لە ناوچە شاخاوییەکان نمە باران دەبارێت، سبەینێش لە سلێمانی و ناوچە شاخاوییەکان باران بارین زیاتر دەبێت.

ئەمڕۆ پێنجشەممە 14ی ئازار، بەشی پێشبینی بەرێوەبەرایەتى گشتى کەشناسی و بوومەلەرزەزانى هەرێم لەبارەی کەشی ئەمڕۆوە رایگەیاندووە، ئاسمان لەنێوان پەڵە هەور و نیمچە هەوردا دەبێت ، پلەکانی گەرماش یەک تا دوو پلە بەراورد بە تۆمارکراوەکانی دوێنێ بەرز دەبێتەوە.

سەبارەت بە سبەینێ هەینی 15ی ئازار، ئاشکرایکردووە، ئاسمان نیمچە هەور دەبێت پاشان دەگۆڕێت بۆ هەوری تەواو،  لە کاتەکانی دوای نیوەڕۆ لە ناوچەکانی باکور و رۆژهەڵات بە تایبەت ناوچە شاخاوییەکان نمە باران و بارانی مامناوەند دەبارێت، لە کاتەکانی شەو لەسەر بەشێک لە سنووری پارێزگای سلێمانى و ناوچە شاخاوییەکانى ئەگەرى باران بارین زیاترە، هەندێک کات لە کاتى باران هەورە تریشقەشى لەگەڵ دەبێت، پلەکانی گەرماش نزیک دەبێتەوە بە بەراوورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر : 22

سلێمانی: 21

دهۆک : 21

زاخۆ  : 22

هەڵەبجە : 20

کەرکوک : 24

سۆران : 20

حاجی ئۆمەران : 13

گەرمیان : 25