“لەگەڵ ناردنی پارەی دیکە لە بەغدادەوە مووچە دابەشدەکەین”

SNN

وەزیری دارایی ھەرێم رایدەگەیەنێت، لەگەڵ ناردنی کاروانێکی دیکەی پارە لەلایەن بەغدادەوە دەست بە دابەشکردنی مووچەی مانگی شوبات دەکەن.

ئاوات شێخ جەناب وەزیری دارایی و ئابوری ھەرێمی کوردستان لە چاوپێکەوتنێکی لەگەڵ رۆژنامەنوساندا رایگەیاند، بەبێ ناردنی پارەی دیکە لەلایەن بەغدادەوە دەست بە دابەشکردنی مووچە ناکەن و چونکە بەغداد پارەی پێویستی بۆ تەواوی مووچە نەناردووە، لەسەر ئەو پرسەش ھەردولا خەریکی رێککەوتنن.

ھاوکات ھەر لە چاوپێکەوتنەکەیدا وەزیری دارایی ھەرێم باسی لەوەشکرد، داھاتی مانگانەی ناوخۆ لەنێوان 300 بۆ 350 ملیار دینارە کە بەشێکی بۆ خەرجی فەرمانگەکان دەڕوات.

وتیشی، “لە 10 مانگی رابردوودا، مانگانە بڕی 180 ملیار دینار لە داھاتی ناوخۆ بۆ تەواوکاری مووچەی فەرمانبەران خەرجکراوە.”