ئەمڕۆ لە 10پارێزگای عێراق هۆشداری توند لە دروستبونی هەورەبروسکە و لافاو تەرزە دەدرێت

SNN

جابر زیاد پێشبینیکاری کەشوهەوای عێراق، دواین زانیارییەکانی لەبارەی هاتنی ئەو شەپۆلە توندەی باران و هەورەبروسکە و تەرزەوە راگەیاند کە وا بڕیارە ئەمڕۆ 10 پارێزگای عێراق بگرێتەوە بە پارێزگاکانی هەرێمی کوردستانیشەوە.

جابر روونی دەکاتەوە کە ئەمڕۆ هەریەکە لە پارێزگاکانی، سلێمانی، دیالە، سەڵاحەدین، بابل، موسەنا و بەسرو و میسان، سەڵاحەدین بارانبارین تێیاندا زۆر چڕ دەبێت و لە پارێزگاکانی دیکەی عێراق باران مامناوەند دەبێت، ئەمە سەرەڕای دروستبوونی تەرزە و هەورەبروسکە لە بەشێکی زۆری ناوچەکانی دیکەی عێراقدا.

لەبارەی کەشوهەوای سبەی، دووشەممە. جابر ئاماژەی بەوەکرد، کە بارانبارین بەشێوەی پچڕ پچڕ لە سەرجەم پارێزگاکانی عێراق تا کۆتایی ئەم مانگە بەردەوامی دەبێت، لەگەڵ دابەزینی پلەکانی گەرما لە پارێزگاکانی باکووری عێراق.