بەداخەوە دوای 55 رۆژ مووچە وەک مژدە بڵاودەکرێتەوە

SNN

ئەمینداری گشتی یەکگرتووی ئیسلامی کوردستان رایدەگەیەنێت، بەداخەوە گەیشتوونەتە رۆژگارێک پاش 55 رۆژ ھەواڵی مووچە بە مژدە بڵاودەکرێتەوە.

سەڵاحەدین بەھادین لە تۆڕی کۆمەڵایەتی “X” لە نوسینێکدا بڵاویکردووەتەوە، ھەموو کات لەگەڵ لێکتێگەیشتن و چارەسەری یاسایی و ئاشتییانەی گرفتەکانن لەگەڵ بەغداد، بەڵام نابێت چارەسەرەکە لەسەر حسابی مافی زەوتکراوی مووچەخۆرانی ھەرێم بێت و تەحایول بێت لەسەر بڕیارەکانی دادگای باڵای فیدراڵی سەبارەت بە مسۆگەرکردنی ماف و شایستە داراییەکانی مووچەخۆرانی ھەرێم.

سەڵاحەدین بەھادین لە درێژەی نوسینەکەیدا دەڵێت، بەڵی بۆ قەوارەی دەستوری ھەرێم و دابینکردنی قوت و ئازادی ھاووڵاتیان، نەخێر بۆ گەندەڵی و نادادی و ئیستغلالی سۆزی نەتەوەیی بۆ مەرامی کەسی و حزبی.