وتەبێژی حکومەتی عێراق لەبارەی هەموارکردنەوەی بودجەوە زانیاری نوێ ئاشکرادەکات

SNN

وتەبێژی حکومەتی عێراق لە بارەی پرۆژە یاسای بودجەی عێراقەوە ئاشکرایکردووە، لە ماوەی دوو هەفتەدا ئەنجوومەنی وەزیران خشتەی بودجە پەسەند دەکات، دەڵێت ” بۆ مووچەى فەرمانبەران پێویستییان بە 69 ترلیۆن دینارە”.

باسم عەوادی، وتەبێژی حکومەتی عێراق لە میانی بەشداریکردنی لە بەرنامەیەکی کەناڵى عیراقییە رایگەیاندووە، ئەنجوومەنی وەزیران لە ماوەی دوو هەفتەی ئایندەدا، خشتەی هەمواری بودجەی پەسەند دەکات و رەوانەی ئەنجوومەنی نوێنەرانی دەکات.

ئاماژەی بەوەکردووە، رۆژی یەکشەممە وەزارەتی دارایی دەستدەکات بە پارەدارکردنی پارێزگاکان، هاوکات وتی “بۆ مووچەی فەرمانبەران پێویستمان بە 69 ترلیۆن دینار هەیە و مووچەکانیان بەتەواوی زامنکراوە”

وتەبێژەکەی حکومەت ئاشکرایکردووە، هەفتەی داهاتوو خوولی چوارەمی کۆبوونەوەکانی لیژنەی عێراق و ئەمریکی لەبارەى چارەنووسی هێزەکانی هاوپەیمانان دەستپێدەکاتەوە.