“هەڵبژاردنی پەرلەمانی کوردستان لەکاتی خۆیدا دەکرێت”
سندوقی هەڵبژاردن
SNN
سەرۆکی پێشووتری کۆمیسیۆنی هەڵبژاردنەکانی عێراق رایگەیاندووە، هەموو هەڵبژاردنەکانی هەرێمی کوردستان ئەم کۆمیسیۆنەی ئێستا ئەنجامی داوە.
ئەمڕۆ چوارشەممە 10ی نیسان، سەربەست ئامێدی، سەرۆکی پێشووتری کۆمسیۆنی هەڵبژاردنەکانی عێراق بە دەنگی ئەمریکای راگەیاند، لە ساڵی 2004ـەوە تا ئێستا هەموو هەڵبژاردنەکانی عێراق، هەر لەو ساڵەوە تا ساڵی 2014 لەگەڵ هەموو هەڵبژاردنەکانی هەرێمی کوردستان هەر ئەم کۆمسیۆنەی ئێستا ئەنجامی داوە.
ئاماژەی بەوەکردووە، لە ئێستادا هەموو ئاماژەکان بەو ئاڕاستەیەن کە هەڵبژاردنی پەرلەمان لە کاتی خۆیدا لە رۆژی 10ـی حوزەیرانی 2024 ئەنجام دەدرێت.
