بەهۆی بۆردومانەکانی ئیسرائیلەوە سێ کوڕی ئیسماعیل هەنیە کوژران
SNN
بەهۆی بۆردومانێکی ئیسرائیل بۆ سەر کەرتی غەززە، سێ کوڕی ئیسماعیل هەنیە، سەرۆکی مەکتەبی سیاسی بزووتنەوەی حەماسی فەڵەستنینی کوژران.
ئەمڕۆ چوارشەممە 10ی نیسان هاوکات یەکەم رۆژی جەژنی رەمەزانە، ئاژانسی هەواڵی “شیهاب” نزیک لە بزووتنەوەی حەماس بڵاویکردەوە، ئەمڕۆ سێ کوڕی ئیسماعیل هەنییە، سەرۆکی مەکتەبی سیاسی حەماس لە کەرتی غەززە کوژراون.
ئەوەشخراوەتە ڕوو، جگە لە کوڕەکانی، ژمارەیەک کوڕەزاشی لە بۆردومانەکەدا کوژراون کە ئۆتۆمبێلێکی لە کەمپی شاتیئی باشووری غەززە کردووەتە ئامانج.
هاوکات، دوای گەیشتنی هەواڵەکە بە ئیسماعیل هەنییە رایگەیاند، کوژران کوڕەکانی کاریگەریی لەسەر داواکارییەکانی حەماس بۆ ڕاگرتنی ئاگربەست نابێت، وتوویەتی “داگیركه‌ر پێی وایه به كوشتنی كوڕه‌كانم وره‌ی گه‌له‌كه‌مان تێكده‌شكێت، به داگیركه‌ر ده‌ڵێم، ئه‌م خوێنه جگه‌له خۆراگری و ده‌ستگرتن به مه‌بده‌ئه‌كانمانه‌وه، هیچمان لێ كه‌م ناكاته‌وه و دوودڵ نابین و چۆك داناده‌ین و له رێگه‌ی خۆمان بۆ رزگاركردنی قودس و ئه‌قسا لا ناده‌ین”.
