پلەکانی گەرما لە بەشێک لە ناوچەکانی ناوەڕاست و باشووری عێراق دەگاتە 40 پلە
SNN’
حسێن ئەسەدی پێشبینیکاری کەشوهەوای عێراقی ئەمڕۆ شەممە، رایگەیاند، کە لە بەشێک لە ناوچەکانی ناوەڕاست و باشووری عێراق و لە ناوەراستی ئەم هەفتەیە پلەکانی گەرما دەگاتە 40 پلەی سەدی.
ئەسەدی روونیدەکاتەوە، کە لە سێشەممەی ئەم هەفتەیەوە لە عێراق پلەکانی گەرما بەشێوەیەکی بەرچاو بەرزدەبێتەوە، لەگەڵ بوونی نمە باران لە پارێزگاکانی ناوەڕاست و باکوری عێراق، لەگەڵ ئەوەشدا لە بەشێک لە پارێزگاکانی عێراق پلەکانی گەرما دەگاتە 40 پلە و لە هەرێمی کوردستانیش لە هەندێک ناوچە دەگاتە 30 پلەی سەدی.
لەبارەی شەپۆلی بارانەوە ئەسەدی ئاماژەی بەوەکرد، کە شەپۆلێکی توندی باران لەم هەفتەیەدا وڵاتانی کەنداو سعودییە دەگرێتەوە، لەگەڵ ئەوەشدا لە دووشەممەی ئەم هەفتەیەدا لە پارێزگاکانی باکووری عێراق باران دەبارێت، بەڵام لە ناوەراست و باشووری عێراق بارانەنەکە جێگەی باس نییە چونکە کەمە و نمە نمەیە.
