سودانی و بایدن کۆدەبنەوە

SNN-

بڕیارە ئەمڕۆ دووشەممە، محەمەد شیاع سودانی، سەرۆکوەزیرانی عێراق و جۆ بایدن، سەرۆکی ئەمریکا کۆبوونەوەی لوتکە ئەنجام بدەن.

ڕۆژنامەی سەباح بڵاویکردووەتەوە، لە دیدارەکەدا سودانی و بایدن چەند دۆسیەیەکی ئابووری، سیاسی و ئەمنی لەگەڵ کاراکردنی چەند بەشێکی ڕێککەوتنی چوارچێوەی ستراتیژی نێوان عێراق و ئەمریکا تاوتوێ دەکەن.

پێش دیداری لەگەڵ سەرۆک ئەمریکاش، بڕیارە سەرۆک وەزیرانی عێراق لەگەڵ ئەنتۆنی بلینکن، وەزیری دەرەوەی ئەمریکا و لوید ئۆستن، وەزیری بەرگری ئەمریکا لە بارەگای پێنتاگۆن کۆببێتەوە.

بە پێی خشتەی سەردانەکە، سودانی بە ئامادەبوونی تەیف سامی، وەزیری دارایی، لەگەڵ والی ئیدییمۆ، بریکاری وەزارەتی گەنجینەی ئەمریکا کۆدەبێتەوە.