کەشناسی: خۆڵبارین دەستپێدەکات و ئەگەری تاوە باران و بروسکە هەیە

SNN-

کەشناسی هەرێمی کوردستان رایگەیاند، ئەمڕۆ ئەگەری تاوە باران و بروسکەی کەم کەم لەناوچەکانی رۆژئاوای هەرێم هەیە و ئەگەری بەرزبوونەوەی تۆزێکی سووکیش هەیە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ئەمڕۆ دووشەمممە 15ی نیسانی 2024، ئاسمان هەور بۆ نیمچە هەور دەگۆرێت، لەگەڵ ئەگەری تاوە باران و بروسکەی کەم کەم لەناوچەکانی رۆژئاوای هەرێم (ناوچە سنووریەکان و قەزای شەنگال و دەوروبەری) هەندێک لەناوچەکانی پارێزگای دهۆک و وە هەروەها ئەگەری بەرزبوونەوەی تۆزێکی سووک لەناوچەکانی باشوور و رۆژئاوای هەرێم هەیە, وە لەکاتەکانی شەودا کەشەکە جێگیر دەبێتەوە و ئاسمان بەرەو ساماڵ دەگۆرێت و پلەکانی گەرما کەمێک نزم دەبێتەوە بە (1-3 ) بەراورد بە تۆمارکراوەکانی دوێنێ .

هەروەها سبەی سێشەممە 16ی نیسانی2024، ئاسمان ساماڵ دەبێت لەگەڵ پەیدابوونی پەڵە هەوری جیاجیا و پلەکانی گەرماش بەرز دەبێتەوە بە نزیکەى( 1-3) پلە بەراورد بە تۆمارکراوەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی
هەولێر : 27
سلێمانی : 25
دهۆک : 25
زاخۆ : 26
هەڵەبجە : 25
کەرکوک : 29
سۆران : 24
حاجی ئۆمەران : 15
گەرمیان : 30