نوێترین زانیاریی لەبارەی مووچە فەوتاوەکانی ساڵانی رابردوو

SNN

ئەندامێکی دەستەی مامۆستایانی نارازی رایدەگەیەنێت، 41 مووچە فەوتاوەکەی ساڵانی رابردوو کە لە ساڵی 2014ەوە دەستیپێکردووە، دەڵێت “ماوەی مانگێکە لەگەڵ چەند رێکخراوێکی ئەمریکی و ئەوروپی لە هەوڵدان بۆ وەرگرتنەوەی مووچە فەوتاوەکان”.

دڵشاد میرانی، ئەندامی دەستەی مامۆستایانی ناڕازی لە چاوپێکەوتنێکیدا لەگەڵ کۆچەر هەمزە پەیامنێری SNN، سەبارەت بە مووچە فەوتاوەکانی ساڵانی رابردوو رایگەیاند، لە مانگی پێنج پلە بەرزکردنەوەی فەرمانبەرانی هەرێمی کوردستان رادەگەیەنرێت و لە مانگی پێنجدا مووچەی مانگی 10ی ساڵی رابردوو دەدرێت، لە مانگی شەش مووچەی مانگی 11ی ساڵی 2023 وەردەگیرێت، مووچەی مانگی 12ی ساڵی رابردوو لە مانگی حەوتدا دەدرێت.

ئاماژەی بەوەکردووە، ماوەی مانگێک زیاترە لەگەڵ چەند رێکخراوێکی ئەمریکی و ئەوروپی لەگەڵمانن بۆ ئەوەی کەیسی فەرمانبەران و مامۆستایانی هەرێم بدرێت بەوان، بۆ ئەوەی 41 مووچەی فەوتاوی ساڵانی رابردوومان وەربگرینەوە.

ئەو ئەندامەی دەستەی مامۆستایانی ناڕازی روونیکردووەتەوە، وەرگرتنەوەی 41 مووچەکە لە رێگەی بلۆککردنی پارەی ئەو بەرپرسانەی لە بردنی داهاتی هەرێمی کوردستان تێوەگلاون، بەوهۆیەوە راستەوخۆ ئەو 41 مووچە فەوتاوەی مووچەخۆرانی هەرێمی پێدەدرێت کە لە ساڵی 2014ەوە تا ئێستا بەناوی جۆراوجۆرەوە نەدراون.