بەهۆی سەرپێچی لە ڕێنماییەكانی كۆمیسیۆن چەند کاندیدیک دورخرانەوە

SNN-عەلی حەمە سەعید

ئەمڕۆ چوارشەممە كۆمیسیۆنی باڵای سەربەخۆی هەڵبژاردنەكانی عێراق ئەوەی بڵاوكردەوە كە بەهۆی سەرپێچی لە ڕێنماییەكانی تایبەت بە كۆمیسیۆنی باڵای سەربەخۆی هەڵبژاردنەكانی عێراق، ژمارەیەك كاندیدییان لە هەرسێ پارێزگای سلێمانی و هەڵەبجە ودهۆك، بە هۆی سەرپێچی لە رێنماییەكانی كۆمسیۆن دوور خستووەتەوە.

بەگوێرەی دوو نوسراو كە لەلایەن فەرمانگەی ڕاگەیاندنی كۆمسیۆنەوە بۆ SNN نێردراون ئەوەخراوەتەڕوو، كە بە پێی بریاری (2 و 3) لە كۆنووسی ئاسایی ژمارە(15) ، بڕیاردرا بە دوور خستنەوەی هەریەك لە “پەخشان عەبدولرەحمان ئەحمەد” و گۆرینی بەئەمینە موحەمەد پوركەریم هاوكات دوور خستنەوەی ئاواز تۆفیق عەبدولعەزیز و گۆرینی بە رەنگین جەبار.

ئاماژە بەوەشكراوە، بڕیاردرا بە دوورخستنەوەی سارا نەجمەدین لەسەر لیستی بەرەی گەل و گۆرینی بە یاد فكرەت خەسرەو هاوكات سڕینەوەی (كاوار نیعمەت محەمەد لەسەر لیستی (هەڵوێست) لە پارێزگەی دهۆك دانەنەنانی هیچ بەربژیرێك لە شوێنەكەی.

هەر لە نوسراوەكەی كۆمیسیۆنی باڵای سەربەخۆی هەڵبژاردنەكان ئەوەشخراوەتەڕوو، زیادكردنی ناوی (نەرمین محەمەد ساڵح)بۆ لیستی بزووتنەوەی پەیوەندی ئیسلامی كوردستان لە پاریزگای هەولێر بۆ هاوسەنگكردنی ڕێژەی بەشداری ژنان لەو لیستەدا.