“لەسەردانەکەی ئەردۆغان بۆ بەغداد رێککەوتنی چوارچێوەی ستراتیژیی ئیمزا دەکرێت”
رەجەب تەیب ئەردۆغان سەرۆککۆماری تورکلیا
SNN
باڵیۆزی عێراق لە تورکیا رایگەیاند، لەسەردانەکەی ڕەجەب تەیب ئەردۆغان سەرۆککۆماری تورکیا بۆ بەغداد رێککەوتنی چوارچێوەی ستراتیژی لە چەند بوارێک ئیمزا دەکرێت لەناویاندا دەستپێکردنەوەی ھەناردەی نەوت.
ماجید جەماوی، باڵیۆزی عێراق لە تورکیا ئاماژەی بەوەکرد، سەردانی ڕەجەب تەیب ئەردۆغان سەرۆککۆماری تورکیا بۆ بەغدا، یارمەتیدەر دەبێت بۆ چارەسەرکردنی کێشە ھەڵپەسێردراوەکانی نێوان ھەردوو وڵاتی دراوسێ بەرەوپێشچوونی پەیوەندییەکان.
وتیشی “سەردانەکە ئیمزاکردنی رێککەوتنی چوارچێوەی ستراتیژی لە خۆدەگرێت لە بوارەکانی ئەمنی، ئابووری، و گەشەپێدان دۆسیەکانی ئاو و وزە دەستپێکردنەوەی ھەناردەکردنی نەوتی عێراق لە ڕێگەی تورکیاوە.”
بڕیارە سبەینێ رەجەب تەیب ئەردۆغان سەرۆککۆماری تورکیا بگاتە بەغداد و دواتریش سەردانی ھەرێمیش دەکات.
