عەلی عەلاق “چاکسازی لە سیستمی بانکی عێراق دەکەین”
عەلی عەلاق پارێزگاری بانکی ناوەندی عێراق
SNN
عهلی عهلاق، پارێزگاری بانكی ناوهندیی عێراق ڕایگهیاند، پهیكهری بانكه عێراقییهكان ڕێكدهخهنهوه و پلانێكی فراوانیان ههیه بۆ چاكسازی له كهرتی بانكیی له عێراقدا.
له چاوپێكهوتنێكدا لهگهڵ كهناڵی “الحرە” ئهمهریكایی عهلاق ئاماژەی بەوەکرد: لێكۆڵینهوه له بارهی سهرپێچی له كاری بانك له عێراقدا بهردهوامه و لیژنهیهكی هاوبهشی نێوان بانكی ناوهندیی عێراق و وهزارهتی گهنجینه و بانكی فیدڕاڵی ئهمهریكا پێكهێنراوه بۆ ڕاستكردنهوهی سهرپێچییهكان و سزادانی سهرپێچیكاران، كۆمپانیایهكی ئهمهریكایی وردبینی له كاری بانكه عێراقییهكان دهكات و ئهنجامی وردبینییهكه دهخاته بهر دهست حكومهتی عێراق و ئهمهریكا.
پارێزگاری بانكیی ناوهندی عێراق باسی لهوهشكرد، كێبڕكێ له نێوان بانكهكانی كهرتی تایبهت و گشتییدا ههیه، بهڵام هاووڵاتیانی عێراق خواستیان لهسهر بانكی حكومی زیاتره.
سهبارهت به سهردانی شاندی باڵای عێراق بۆ ئهمهریكا، عهلاق ئاماژهی بهوهدا، ئهو سهردانه بهڵگهیه لهسهر پهیوهستی عێراق له ڕووی دارایی و ئابوورییهوه به ئهمهریكاوه و یهكێك له تهوهرهكانی گفتوگۆی نێوان ههردوولا ئهو سزایانه بووه كه ئهمهریكا خستوویهتییه سهر ژمارهیهك بانكی عێراق و ڕێگه نادات دۆلاریان به دهست بگات.
عهلی عهلاق جهختیكردهوه، وڵاتهكهی پهیوهندییهكی بهتینی ئابووری و دارایی لهگهڵ ئهمهریكا ههیه و سامانی خۆی له ناوخۆ و دهرهوهی ئهمهریكا خستووهته بواری وهبهرهێنانهوه.
له بارهی قهرزهكانی سهر عێراق، عهلاق باسی لهوهكرد، ههوڵیان داوه بڕی قهرزهكان كهمبكهنهوه و له ههنگاوی یهكهمدا توانی بڕی قهرزهكان بۆ 9 ملیار دۆلار كهمبكاتهوه. له ئاستی ناوخۆدا دهوڵهت به بڕی 70 تریلیۆن دینار قهرزی لهسهره.
ئاماژهی بهوهشدا بانكی ناوهندیی توانیویهتی ڕێژهی ههڵاوسان له %7.5 دابهزێنێت بۆ %3.8 سهرهڕای ههموو ئهو ئاڵنگاریانهی ڕووبهڕووی بوونهتهوه.
