کەشناسی کەشی 48 کاتژمێری داهاتووی بڵاوکردەوە

SNN

بەڕێوەبەرایەتی گشتی کەشناسی و بوومەلەرزەزانی هەرێمی کوردستان رایگەیاند،  لەماوەى 48 کاتژمێرى داهاتوودا پلەری گەرما بەرزدەبێتەوە و لە سنووری پارێزگای سلێمانی و ئیدارەی ڕاپەڕین بارانبارین دەستپێدەکات.

ئەمڕۆ دووشەممە 22ی نیسان، بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ لە بەشێک لە سنووری پارێزگای سلێمانی و ئیدارەی راپەرین ئاسمان بۆ نیمچە هەور دەگۆڕێت لەگەڵ کەمێک بارانبارین و هەورە تریشقە لەکاتەکانی نیوەڕۆدا.

لە سەبارەت بە کەشی سبەینێ سێشەممە، ئاسمان ساماڵ و پەڵە هەور دەبێت و لە ناوچە شاخاوییەکان نیمچە هەور دەبێت، هاوکات پلەکانی گەرما بەرزدەبنەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 28

سلێمانی : 25

دهۆک :28

زاخۆ:  28

هەڵەبجە : 27

کەرکووک : 30

سۆران : 27

حاجی ئۆمەران : 19

گەرمیان : 33