“نرخى 100 دۆلار داده‌به‌زێت بۆ 145 هه‌زار دینار”
دراوى 100 دۆلارى ئه‌مریكى | فۆتۆ: Dennis Hallinan / Alamy
SNN
وته‌بێژى بازاڕى بازاڕى ئاڵوگۆڕى دراو له شارى سلێمانى رایده‌گه‌یه‌نێت، ئه‌گه‌ر هیچ رووداوێكى سیاسى گه‌وره نه‌یه‌ته‌پێشه‌وه ئه‌وه نرخى 100 دۆلار داده‌به‌زێت بۆ 145 هه‌زار دینار، ده‌شڵێت: “هیچ دوور نییه نرخى 100 دۆلار دابه‌زێت بۆ 143 هه‌زار”.
ئه‌مڕۆ چوارشه‌ممه 24ى نیسان، جه‌بار گۆران، وته‌بێژى بازاڕى ئاڵوگۆڕى دراو له شارى سلێمانى به SNNى راگه‌یاند، “به‌هۆى رووداوه سیاسییه‌كان و سه‌ردانه‌كه‌ى محه‌مه‌د شیاع سودانى، سه‌رۆكوه‌زیرانى عێراق نرخى دۆلار دابه‌زینى به‌خۆه‌وه بینیوه، ئه‌گه‌ر رووداوێكى سیاسى گه‌وره نه‌یه‌ته‌پێشه‌وه ئه‌وه نرخى 100 دۆلار داده‌به‌زێت بۆ 145 هه‌زار دینار له چه‌ند رۆژى داهاتوودا”.
ده‌شڵێت: “دوورنییه داشبه‌زێت بۆ 143 هه‌زار دینار، به‌ڵام مه‌حاڵه نرخى 100 دۆلار ببێته 140 هه‌زار دینار”.
