دادگای فیدڕاڵی لەسەر سکاڵایەک کە دژی حکومەتی ھەرێم و عێراق تۆمارکراوە کۆدەبێتەوە

SNN

ھەفتەی داھاتوو دادگای فیدڕاڵی لەسەر سکاڵایەک کۆدەبێتەوە کە دژی ھەردوو حکومەتی ھەرێم و حکومەتی فیدڕاڵ تۆمارکراوە و تیایدا داواکراوە ھەردوولا پابەندبکرێن بە جێبەجێکردنی یاسای بودجە.

بەگوێرەی خشتەی کۆبوونەوەکانی دادگای فیدڕاڵی رۆژی 28ـی ئەم مانگە دادگاکە لەسەر سکاڵایەک کۆدەبێتەوە کە لەلایەن پارێزەرێک بەناوی ئازاد عەبدولحەمید دۆسکی لەسەر سەرۆکی حکومەتی فیدڕاڵ و ھەرێم و سەرۆکی ئەنجومەنی نوێنەران و وەزیرانی نەوتی عێراق ھەرێم تۆمارکراوە.

لە سکاڵاکەدا داواکراوە ھەردوو حکومەتی فیدڕاڵ و حکومەتی ھەرێم پابەندبکرێن بە جێبەجێکردنی سەرجەم بڕگەکانی ماددەی (1 و 11 و 12 و 13) لە یاسای بودجەی ساڵی 2023، کە چۆنیەتی دابەشکردنی داھات و خەرجی لەنێوان ھەرێم و بەغدادی رێکخستووە.