کەشناسی: لێزمە باران دەبارێت

SNN

کەشناسی هەرێم پێشبینییەکانی 48 کاتژمێری داهاتووی بڵاوکردەوە و رایگەیاند، ئەمڕۆ دوانیوەڕۆ لێزمە باران دەبێت و پلەکانی گەرماش یەک بۆ دوو پلە نزمدەبێتەوە، سبەینێ هەینی باران بارین بەردەوام دەبێت.

ئەمڕۆ پێنجشەممە 2ی ئایار، بەشی پێشبینی بەرێوەبەرایەتى گشتىی کەشناسی و بوومەلەرزەزانى هەرێم رایگەیاند، ئەمڕۆ ئاسمان لە زۆربەى کاتەکان هەورى تەواو دەبێت، لەگەڵ تاوە باران و هەورە بروسکە کە لەکاتەکانی دوای نیوەڕۆ کاریگەریی بەهێز دەبێت بۆ لێزمە باران لەزۆربەی ناوچەکان .

ئاماژەی بەوەکرد، پلەکانی گەرما یەک بۆ دوو پلە بەراورد بە تۆمارکراوەکانی دوێنێ نزمدەبێتەوە و مەودای بینین حەوت بۆ نۆ کیلۆمەتر دەبێت لە کاتژمێرێکدا.

سەبارەت بەکەشی سبەینێ هەینی ئاشکرایکردووە، ئاسمان هەورى تەواو دەبێت بارینی لێزمە باران و بروسکەی ناوبەناو بەردەوامی دەبێت لە سەرتاسەری هەرێم، لە کاتەکانی دوایی نیوەڕۆ تاکو و ئێوارە خێرایی با کەمێک چالاک دەبێت بۆ سەروی 30 کیلۆمەتر لە کاتژمێرێکدا، پلەکانی گەرماش نزم دەبێتەوە بە ( 2 – 4 ) پلە بەراورد بە تۆمارکراوەکانی ئەمرۆ .

بەرزترین پلەکانی گەرمای پێشبینیکراو بە پلەی سیلیزی

هەولێر : 21

سلێمانی  : 20

دهۆک  :  20

زاخۆ  : 21

هەڵەبجە : 19

کەرکوک : 21

سۆران : 20

حاجی ئۆمەران : 16

گەرمیان : 24