سالم عیساوی رایدەگەیەنێت لە کاندیدبوونی بۆ پۆستی سەرۆکی پەرلەمان ناکشێتەوە
SNN
سالم عیساوی، ئه‌ندامی په‌رله‌مانی عێراق پابەندبوونی خۆی بە کاندیدکردنی پۆستی سەرۆکایەتی ئەنجومەنی نوێنەران راگەیاند و ناكشێته‌وه.
ئەمڕۆ پێنجشەممە 2ی ئایار، سالم عیساوی لە تویتێکدا لەسەر پلاتفۆڕمی “X” ڕایگەیاند، “بەردەوام دەبم لە پابەندبوون بە کاندیدکردنم بۆ سەرۆکایەتی پەرلەمان بۆ بەرگریکردن لە سیستەم و دەستور و یاسا و کاری یاسادانان و چاودێریکردن”.
ئاماژەی بەوەکرد، “بۆ ئەوەی ناوی عێراق لە نێو گەلاندا بە بەرزی بمێنێتەوە له هه‌وڵه‌كانم به‌رده‌وام ده‌بم بۆ وه‌رگرتنی پۆستی سه‌رۆكی په‌رله‌مان و ناکشێمەوە”.
ئەمە لە کاتێکدایە، 14ی تشرینی دووەمی 2023، دادگای فیدڕاڵی عێراق بڕیارێکی دەرکرد کە ئەندامێتی محەمەد حەلبوسی سەرۆکی ئەنجومەنی نوێنەرانی لە پەرلەمانەوە هەڵوەشاندەوە، له‌وكاته‌وه به‌هۆی ناكۆكیی لایه‌نه‌كانه‌وه نه‌توانراوه پۆسته‌كه پڕبكرێته‌وه.
سالم عیساوی كاندیدی حزبی سیادەیە و لەلایەن خەمیس خەنجەرەوە سەرۆكایەتی دەكرێت، هه‌رچه‌نده پێشتر هاوپه‌یمانی محەمەد حەلبوسی بوون، به‌ڵام ئێستا لەگەڵ هاوپەیمانێتیەكانی عەزم و حەسم بەرەیەكیان پێكهێناوە و خۆیان وەك زۆرینەی سوننەكان دەناسێنن.
