تەندروستیی جیھانی لەبارەی هێرشکردنە سەر رەفەح هۆشداریی دەدات
لۆگۆی رێکخراوی تەندروستی جیهانی
SNN
رێکخراوی تەندروستی جیھانی رایگەیاند، ھێرشکردنە سەر شاری رەفەح دەبێتە گۆمی خوێن و داوای راگرتنی شەڕی کرد.
ئەمڕۆ شەممە 4ی ئایار، تێدیرۆس ئەدھانۆم، بەڕێوەبەری گشتی رێکخراوی تەندروستی جیھانی رایگەیاند، رێکخراوەکە نیگەرانە لەبارەی ئەگەری ھێرشکردنە سەر رەفەح لە باشوری غەززە، دەڵێت “ئەو شارە دەبێتە گۆمی خوێن و لاوازترکردنی سیستمی تەندروستی کە لە بنەڕەتدا لەو ناوچەیەدا پەکی کەوتووە.”
ئاماژەی بەوەکردووە، پلانی نوێیان بۆ رەفەح ئامادەکردووە و چەند نەخۆشخانەیەک لەو شارە دەکەنەوە، بەڵام لە ئەگەری روودانی ئۆپراسیۆن لەو شارەدا ژمارەی کوژراوان بەرزتر دەبێتەوە.
روونیکردووەتەوە، سیستمی تەندروستی لە غەززە پەکی کەوتووە و لە کۆی 36 نەخۆشخانە تەنھا 12 نەخۆشخانە کاردەکەن و رێکخراوەکەش کاردەکات بۆ گەڕاندنەوەی سیستمی تەندروستی.
