چوارچێوەی هەماهەنگی یەك هەفتە مۆڵەت دەداتە لایەنە سونەكان

SNN

چوارچێوەی هەماهەنگی یەك هەفتە مۆڵەت دەداتە لایەنە سونەكان و داوادەكات لە ماوەی یەك هەفتەدا پۆستی سەرۆكی ئەنجومەنی نوێنەران یەكلابكەنەوە.

نوسینگەی راگەیاندنی چوارچێوەی هەماهەنگی رایگەیاند، چوارچێوەی هەماهەنگی بە سەرۆكایەتی نوری مالیكی كۆبووەتەوە بۆ تاوتوێكردنی دوایین پێشهاتە سیاسییەكانی وڵات، لەنێویشیاندا پۆستی سەرۆكی ئەنجومەنی نوێنەران، چوارچێوەی هەماهەنگی لە كۆبوونەوەكەدا، داوای لە فراكسیۆنە سوننەكان كردووە لەم هەفتەیەدا پۆستی سەرۆكی ئەنجومەنی نوێنەران یەكلایی بكەنەوە و بەرپرسیاریەتی لە ئەستۆبگرن.

راشیگەیاند، پلانیان هەیە بۆ دیاریكردنی دانیشتنێكی ئەنجومەنی نوێنەران، لەپێناو یەكلاییكردنەوەی پۆستی سەرۆكی ئەنجومەنی نوێنەران، لەدوای كۆتاییهاتنی هەفتەی چاوەڕوانیی، بۆ تەواوبوونی شایستە گرنگەكان و ئامادەكارییەكان بۆ دەنگدان لەسەر هەمواری یاسای بودجەی 2024.