سەرۆکی ئەمریکا باری نائاسایی لە سوریا بۆ ساڵێکی دیکە درێژ کردەوە
جۆو بایدن
SNN
کۆشکی سپی بڵاویکردەوە، ئەو بڕیارەی بایدن بۆ ئەوەیە کە دەیەوێت مامەڵە لەگەڵ ئەو ھەڕەشانە بکات کە لەسەر ئاسایشی نەتەوەیی و سیاسەتی دەرەوە و ئابوری ئەمریکا ھەیە، بەھۆی ھەڵوێستی حکومەتی سوریاوە لە پشتیوانیکردنی تیرۆر و داگیرکردنی لوبنان.
راشیگەیاند، حکومەتی سوریا بەردەوامە لە ھەوڵەکانی بۆ دەستکەوتنی چەکی کۆکوژ و پڕۆگرامی مووشەکی و ئاستەنگ دروستکردن بۆ ھەوڵەکانی ئەمریکا لە نۆژەنکردنەوەی عێراق.
بەپێی کۆشکی سپی، بایدن ئاماژەی بەوەشداوە، ھەڵوێستی حکومەتی سوریا پەیوەست بە چەکی کیمیایی و پشتیوانی رێکخراوە تیرۆریستییەکان، تەنھا گەلی سوریا ناخاتە مەترسییەوە بەڵکو سەقامگیری ناوچەکە تێکدەدات.
