کەشناسی: بارانبارین کۆتایی هات و پلەکانی گەرماش بەرزدەبنەوە

SNN-

بەڕێوەبەرایەتی گشتی کەشناسی و بوومەلەرزەزانی هەرێمی کوردستان کەشوهەوای 48 کاتژمێری داهاتووی بڵاوکردەوە و رایگەیاند، ئاسمان ساماڵ و پەڵە هەوردەبێت و پلەکانی گەرماش بەرز دەبنەوە.

بەگوێرەی راگەیەندراوێکی بەڕێوەبەرایەتی کەشناسی و بوومەلەرزەزانی، ئەمڕۆ پێنجشەممە 09ی ئایاری2024 ئاسمان پەڵە هەور و نیمچە هەور دەبێت و پلەکانی گەرماش 1-2 پلە بەرزدەبنەوە.

هەروەها سبەی هەینی 10ی ئایاری2024، ئاسمان پەڵە هەور و نیمچە هەور دەبێت، لە ناوچە شاخاوییەکان هەوری تەواو دەبێت و پلەکانی گەرماش بەرزتر دەبنەوە.

بەرزترین پلەکانی گەرمای پێشبینیکراو بە پلەی سیلیزی
هەولێر : 28
سلێمانی: 25
دهۆک : 28
زاخۆ : 29
هەڵەبجە : 28
کەرکوک: 31
سۆران : 25
حاجی ئۆمەران: 14
گەرمیان : 32