وردەكاری چۆنییەتی زیادكردنی مووچەی خانەنشیانی هەرێم ئاشکراکرا

SNN-عەلی حەمە سەعید

بەمەبەستی یەكخستنی مووچەی خانەنشینانی هەرێم لەگەڵ خانەنشینانی عێراق و هاوكات جێبەجێكردنی بڕیارەكەی دادگای فیدراڵی و تەوتینكردنی مووچەی خانەنشینان لە بانكە حكومییەكانی عێراق شاندێكی یەكێتی خانەنشینانی هەرێم سەردانی بەغدایان كردووە و هاوكات SNNیش وردەكاری چۆنییەتی زیادكردنی مووچەی خانەنشیان دەخاتەڕوو.

بەگوێرەی زانیارییەكانیSNNكە لە بەرپرسێكی بەڕێوەبەرایەتی گشتی خانەنشینی هەرێم وەریگرتووە ئەوەخراوەتەڕوو، هەر خانەنشینێك كۆچی دوایی كردبێت و میراتگری هەبێت و پێش 1/1/2014 موچەكەی 200 هەزار بێت راستەوخۆ دەبێتە 320 هەزار و 100 هەزاریش مینحە وەردەگرێت و 200 هەزارەكە دەبێتە 420 هەزار دینار، هاوكات ئەو خانەنشینەی كە لەلایەن دوو میراتگرەوە موچەی خانەنشینی وەردەگرن موچەكەیان لە 200 هەزارەوە دەبێتە 360 هەزار و 100 هەزار مینحەش وەردەگرن و موچەكەیان دەبێتە 460 هەزار دینار.

ئاماژەی بەوەشكرد، ئەو خانەنشیانەی كە خۆیان لە ژیاندان راستەوخۆ موچەكەیان دەبێتە 500 هەزار و 100 هەزار مینحەیان دەبێت، گەر بڕوانامەیان هەبێت و خزمەتیشیان زۆر بێت ئەوا بەپێی بڕوانامە و ساڵی خزمەتەكەیان مووچەكەیان تا 800 هەزار دینار زیاد دەبێت.

هەرلە زانیارییەكانی SNNئەوەشهاتووە كە شاندەكەی یەكێتی خانەنشیانی هەرێم زانیاری و داتای پێویسیان لەبەردەستدایە بۆ ئەوەی ڕادەستی حكومەتی عێراقی بكەن بەتایبەت لیژنەی دارایی پەرلەمانی عێراق بۆ ئەوەی كاری پێویستی لەسەر بكرێت.