ئەمڕۆ مووچەی مامۆستایانی وانەبێژ دابەشدەکرێت

SNN-
نوێنەری گشتی مامۆستایانی وانەبێژ رایگەیاند، ئەمڕۆ چوارشەممە مووچەی مامۆستایانی وانەبێژ لە پەروەردەی سلێمانی و هەڵەبجە دابەشدەکرێت و هەفتەی داهاتووش لە پەروەردەکانی پارێزگاکانی هەولێر و دهۆک دابەشدەکرێت.

کاروخ عەبدوڵڵا، نوێنەری گشتیی مامۆستایانی وانەبێژ رایگەیاند، ئەمڕۆ چوارشەممە 22-5-2024، مووچەی مامۆستایانی وانەبێژ بۆ مانگی شوبات لە پەروەردەکانی سنووری پارێزگاکانی سلێمانی و هەڵەبجە و ئیدارە سەربەخۆکانی راپەڕین و گەرمیان دابەشدەکرێت و سەرەتای هەفتەی داهاتووش مووچەی مامۆستایانی وانەبێژ لە پەروەردەکانی هەولێر و دهۆک دابەشدەکرێت.

لە هەرێمی کوردستان زیاتر لە 32 هەزار مامۆستای وانەبێژ هەیە ئەو مامۆستا وانەبێژانەی هەڵگری بڕوانامەی دیبلۆمن، مووچەیان 350 هەزار دینارە و ئەوانەی بڕوانامەی بەکالۆریۆسیشیان هەیە مووچەکەیان 400 هەزار دینارە.