39 ههزار پهنابهرى عێراقى له ئهڵمانیاوه دیپۆرتى عێراق دهكرێنهوه
محهمهد شیاع سودانى، سهرۆكوهزیرانى عێراق و ئۆلاف شۆڵدز، راوێژكارى ئهڵمانیا | فۆتۆ: DW
SNN
وتهبێژى وهزارهتى كۆچ و كۆچبهرانى عێراق رایدهگهیهنێت، لهگهڵ وهزارهتى دهرهوهى ئهڵمانیا رێككهوتنێكیان واژوو كردووه بۆ گهڕاندنهوهى 39 ههزار عێراقى كه مافى پهنابهربهتیان لهو وڵاته رهتكراوهتهوه.
ئهمڕۆ شهممه 25ى ئایار، عهباس جههانگیر، وتهبێژى وهزارهتى كۆچ و كۆچبهرانى عێراق لهمیانى چاوپێكهوتنێكى تهلهفزیۆنیدا لهگهڵ كهناڵى تهلهفزیۆنى رووداو رایگهیاند، “عێراق و ئهڵمانیا رێككهوتنێكیان واژوو كردووه بهمهبهستى گهڕاندنهوهى 39 ههزار پهنابهرى عێراقى له ئهڵمانیاوه لهچوارچێوهى یاسا نێودهوڵهتیهكان و رێنماییهكانى دهزگاى نێودهوڵهتى كۆچ”.
له وهڵامى ئهو پرسیارهى، ئهو كهسانه كێن كه رێككهوتنهكه دهیانگرێتهوه؟ وتهبێژى وهزارهتى كۆچ و كۆچبهرانى عێراق ئهوهشى خستهڕوو، “ئهو كهسانه سهرجهمیان مافى پهنابهریهتیان رهتكراوهتهوه له ئهڵمانیا، یاخود پێشینهى تاوانیان ههیه”.
به وتهى عهباس جههانگیر، “دهیانهوێت ئهو هاووڵاتیه عێرقیانه بگهڕێنهوه وڵاتهكهى خۆیان و بهڕێزهوه تێكهڵى كۆمهڵگهكهى خۆیان بكرێنهوه”.
وتهبێژى وهزارهتى كۆچ و كۆچبهرانى عێراق ئهوهشى خستهڕوو، “له ماوهى رابردوودا به دوو كۆمهڵه 39 كهس و 60 كهس گهڕێندراونهتهوه عێراق”.
به وتهى عهباس جههانگیر، “رێككهوتنهكه چهند خزمهتگوزارییهك پێشكهشى ئهو كهسانهش دهكات كه خۆبهخشانه دهیانهوێت بگهڕێنهوه عێراق و مهرجهكانى رێككهوتنهكه نایانگرێتهوه”.
