تەندروستی هەڵەبجە هۆشداری دەداتە هاووڵاتیان
SNN-عەلی حەمە سەعید
دوابەدوای تۆمارکردنی حاڵەتی نوێی ڤایرۆسی کۆرۆنا لە پارێزگای هەڵەبجە، بەڕێوەبەرایەتی گشتی تەندروستی هەڵەبجە داوا لە هاوڵاتیان دەكات سەردانی شوێنە قەرەباڵغەكان نەكەن.
لە راگەیەندراوێکی بەڕێوەبەرایەتی گشتی تەندروستی هەڵەبجە كە وێنەیەكیان بۆ SNN ناردووە ئەوە خراوەتەڕوو: “بەهۆی بڵاوبوونەوەی ڤایرۆسی کۆرۆناوە رەوشی هەرێمی کوردستان بەرەو مەترسی دەڕوات، داوا لە هاوڵاتیان دەكەین زۆر پێویست ناچار نەبن سەردانی شوێنە قەرەباڵغەكان نەكەن”.
جەختیش لەسەر ئەوە كراوەتەوە، ژمارەی تووشبووان بە ڤایرۆسی كۆرۆنا رۆژ بە رۆژ روو لە زیادبوونە، بۆیە باشترین چارەسەر بۆ ئەم دۆخە خۆپارێزی و پابەندبوونە بە رێنمایەكانی تەندروستی.
هەر لەو پەیامەدا بەرێوەبەرایەتی گشتی تەندروستی هەڵەبجە، داواشی لە هاوڵاتیان كردوە، لە كاتی سەردانیكردنی شوێنە قەرەباڵغەكان و چونە دەرەوە لە ماڵ بۆ كاری پێویست، دەستكێش و دەمامك بەكاربهێنن و زوو زوو دەستەكانتان بە ئاو و سابون بشۆن، چونكە پابەندبوونتان بە رێنماییەكان، خۆپارێزیە لە تووشبوون بە ڤایرۆسی كۆرۆنا.
