پهسهندكردنى بەشە بودجەی هەرێم لەنێو خشتەكانی بودجەى عێراق دوادهكهوێت
دراوى 25 ههزار دینارى عێراق | فۆتۆ: SNN
SNN
ئهندامێكى ئهنجوومهنى نوێنهرانى عێراق رایدهگهیهنێت، پهسهندكردنى بەشە بودجەی هەرێم لەنێو خشتەكانی بودجەى عێراق دوادهكهوێت.
ئهمڕۆ پێنجشهممه 30ى ئایار، د,بڕیار ڕهشید، ئهندامى فراكسیۆنى یهكێتى له ئهنجوومهنى نوێنهرانى عێراق به میدیاى حزبهكهى راگهیاند، ” دانیشتنى تایبهت به پهسهندكردنى خشتهكانى بودجهى 2024ى عێراق و ههڵبژاردنى سهرۆكى پهرلهمانى عێراق ههفتهى داهاتوو بهڕێوهناچێت”.
به وتهى ئهو ئهندامهى پهرلهمانى عێراق، “دەتوانرێت دانیشتنێکی تایبهت و جیاكراوه لەنێو پشووی پەرلەمان ئەنجامبدرێت تەنیا بۆ دەنگدان لەسەر خشتەکانی بودجە یان ئەوەیە ئەو دانیشتنەش ناکرێت و پەسەندکردنی خشتەکانی بوجە دەکەوێتە دوای پشووی پەرلەمان”.
له وهڵامى ئهو پرسیارهى، كهى سهرۆكى نوێى پهرلهمانى عێراق ههڵدهبژێردرێت؟ د. بڕیار رهشید ئاماژهى بهوهشكردووه، “هیچ ئاسۆیەکی ڕونی نییە و ئەم باسە دەکەوێتەوە دووەم وەرزی یاسا دانان”.
