سەرۆکی جێبەجێکاری کۆمپانیای تۆیۆتا لە تەمەنی 66 دەستی لەکارکێشایەوە

SNN

ئاکیۆ تۆیۆدا سەرۆک و بەڕێوەبەری جێبەجێکاری کۆمپانیای تۆیۆتا-ی یابانی بۆ دروستکردنی ئۆتۆمبێل لە تەمەنی 66 ساڵیدا دەستی لەکارکێشایەوە و لە جێگەی خۆی کۆجی ساتۆ، بەڕێوەبەری جێبەجێکاری کۆمپانیای لێکسز-تۆیۆتای تەمەن 56 ساڵ بووە جێگرەوەی.

تۆیۆدا تەمەن 66 ساڵ، لە مانگی حوزەیرانی 2009ەوە وەک بەڕێوەبەری جێبەجێکار کاری کردووە، لە سەردەمی تۆیۆدا-دا کۆمپانیاکە توانی پەرەو برەو بە چەندین مۆدێلی تۆیۆتا، بدات بەتایبەتی جۆرەکانی (لاندکروزەر، پرادۆ، کامری، کۆرۆلا).

تۆیۆدا لە دوای دەستلەکارکێشانەوەی ئاماژەی بەوەشکردووە،”“پێموابوو باشترین ڕێگە بۆ زیاترکردنی گۆڕانکارییەکانی تۆیۆتا ئەوەیە کە من دەست لەکار بکیشمەوە و سەرۆکی نوێی گەنج بکرێتە بەرێوەبەری کۆمپانیای تۆیۆتا تا داهێنانی زیاتر لە تۆیۆتا و لێکسز و تۆیۆتا گازۆ-دا بکات.

وتیشی “لە دوای دەستلەکارکێشانەوەی من دڵنیام گۆرانکاری گەورە لە تۆیۆتادا روودەدات، چونکە بەرێوەبەری نوێ کاریگەری گەورە و گۆڕانکاری گرنگ دەکات لە کۆمپانیاکەدا”