ترەمپ سزادرا

SNN-

دۆناڵد ترەمپ كاندیدی كۆمارییەكان و سەرۆكی پێشووی ئەمریكا، بووە یەكەم سەرۆك لە مێژووی ئەمریكا كە بە تاوانبار بناسێنرێت، ئەوەش دوای ئەوەی دادگای مانهاتن لە نیویۆرك، 34 تۆمەتی بەسەر ترەمپدا ساغكردەوە.

بڕیارە سزاكەی ترەمپ لە ڕۆژی 11ی تەممووز ڕابگەیەندرێت، بەڵام چاوەڕی دەکرێت تیمی پارێزەرانی ترەمپ تانە لە بڕیارەکە بدەن.

سزادانەکەش چوار ڕۆژ پێش بەستنی كۆنگرەی نیشتمانی پارتی كۆمارییەكا دەبێت، بەڵام لەگەڵ ئەوەشدا هێشتا دەتوانێت وەك كاندید بۆ هەڵبژاردنی سەرۆكایەتی بمێنێتەوە.

بڕیارەکە نیگەرانیی کۆمارییەکانی بەدوای خۆیدا هێنا و مایک جۆنسن، سەرۆکی ئەنجوومەنی نوێنەرانی ئەمریکا کە لە پشکی کۆمارییەکانە، بڕیارەکەی بە “رۆژێکی پڕ شەرمەزاری” بۆ ئەمریکا ناوبرد: “دیموکراتەکان دڵخۆشیی خۆیان دەربڕی کاتێک سەرۆکی پارتی بەرامبەریان بەتۆمەتێکی گاڵتەجار سزادرا”.

جگە لە کەیسی بەرتیلدان، ترەمپ سێ کەیسی یاسایی دیکەشی لەسەرە و تۆمەتبارە بە هەوڵدان بۆ گۆڕینی ئەنجامی هەڵبژاردنەکەی ساڵی 2020، کە لە بەرامبەر بایدن دۆڕاندی.