قائیمقامیەتی سلێمانی: ئاگرکردنەوە لەچیای ئەزمەڕ و گۆیژە قەدەغەیە

SNN

قائیمقامیەتی سلێمانی رایدەگەیەنێت، بەمەبەستی رێگریکردن لە مەترسییەکانی کەوتنەوەی ئاگر، بڕیاردرا بە قەدەغەکردنی ئاگرکردنەوە لە هەردوو چیای ئەزمەڕ و گۆیژە.

ئەمڕۆ شەممە 1ی حوزەیران، گۆران قادر، سەرۆکی لیژنەکانی قائیمقامیەتی سلێمانی رایگەیاند، بۆ دورخستنەوەی مەترسییەکانی کەوتنەوەی ئاگر لە چیای ئەزمەڕ و گۆیژە بە فەرمانی قائیمقام، لیژنەكانیان بەهاوکاری لیوای یەکی پاراستنی سلێمانی و بەڕێوەبەرایەتی هاتوچۆ و بەشی زیادەڕۆیی لە شارەوانی و دارستان و پاوان، هەڵمەتێکیان ئەنجامدا.

ئاماژەی بۆ ئەوەشکرد، لەهەڵمەتەکەدا، سەرجەم کۆشک و کەپر و دەستگێڕەکان ئاگادارکرانەوە کە ئاگرکردنەوە قەدەغەیە و هەر کەسێک سەرپێچی بکات روبەڕوی سزا یاساییەکان دەکرێتەوە.