زانكۆی سلێمانی لەسەر ئاستی هەرێم پلەی یەكەم و لە عێراقیش پلەی سێیەم بەدەستدەهێنێت

SNN-عەلی حەمە سەعید

بۆ ساڵی سێەیەم لەسەریەك زانكۆی سلێمانی توانی پلەی یەكەم لەسەر ئاستی زانكۆكانی هەرێم بەدەست بهێنێت ئەوەش بەگوێرەی نوێترین ڕیزبەندی جیهانی كە بۆ زانكۆكانی جیهان و عێراق كراوە لەلایەن وێبسایتی كلاریڤێت ڕیزبەندییەكە ئەنجامدراوە زانكۆی سلێمانی لەسەر ئاستی هەرێم پلەی یەكەم و لەسەر ئاستی عێراقیش پلەی سێیەمی بەدەست هێناوە.

بەگوێرەی ئەو ریزبەندییەی كە لەلایەن وێبسایتی Clarivate بڵاوكراوەتەوە و وێنەیەكی لای SNNە ئەوە خراوەتەڕوو،لە نوێترین وەشانی ڕیزبەندی زانكۆكانی جیهان بۆ  سایتەیشن لە وێبساینس (WoS: Clarivate Analytics)  زانكۆ حكومی و تایبەتەكانی هەرێمی كوردستان لەسەر ئاستی عێراق و وڵاتانی ناوچەكەو جیهان هەنگاوی گرنگیان بەرەو پێشەوە ناوەو دەسكەوتی زانستی گرنگیان تۆمار كردوە.

ئاماژە بەوەشكراوە، ڕیزبەندیەكە تایبەتە بە بەرهەمی زانكۆكان لە نێوان ساڵانی (2019-2023)، لەسەر ئاستی عێراق (86) زانكۆ و دامەزراوەی زانستی لە ڕیزبەندییەكەدا ناویان لە لیستەكەدا تۆمار كراوە، لەسەر ئاستی هەرێمی كوردستانیش (15) زانكۆ تۆمار كراوە، كە (10) زانكۆی حكومی و پێنج زانكۆی تایبەتن، ئەوە لە كاتێكدایە لە ڕیزبەندی پێشووتری ئەو وێبسایتەدا تەنها (13) زانكۆی هەرێمی كوردستان ناویان هەبوو.

بەگوێرەی ئەو ڕیزبەندییە لەسەر ئاستی هەرێمی كوردستان لە پلەی یەكەمدایە و لەسەر ئاستی عێراقیش لە پلەی سێیەم دێت، هاوكات زانكۆی سەلاحەدینیش بە پلەی دووەم لەسەر ئاستی هەرێم و پلەی چوارەم لەسەر ئاستی عێراق دێت، هەر لەڕیزبەندیەكەدا زانكۆكانی سۆران و جیهان و تیشك و زنكۆی پلەتەكنیكی سلێمانی و زانكۆی دهۆك و پۆلەتكەنیكی هەولێر و زاخۆ و زانكۆی كوردستان لەهەولێر لە پلەی سێیەم تا پلەی 10 یەمی سەر ئاستی هەرێمی كوردستان دیاركراون.