هەڵبژاردنەکانی شارەوانی رۆژئاوا دواخر

SNN

ئەگەرچی وابڕیار بوو لە 11ی حەوزەیران هەڵبژاردنی ئەنجوومەنی شارەوانییەکان لە رۆژئاوا بەڕێوەبچێت، بەڵام وادەکەئ دواخرا بۆ مانگی ئابی ئەمساڵ.

ئەمڕۆ پێنج شەممە 6ی حوزەیران، کۆمیسیۆنی باڵای سەربەخۆیی هەڵبژاردنەکانی هەرێمی باکوور و رۆژهەڵاتی سووریا ‘رۆژئاوای کوردستان’ رایگەیاند، لەسەر داخوازی ژمارەیەک لە حیزب و لیستە بەشداربووەکان، بڕیاردرا بەدواخستنی هەڵبژاردنە خۆجییەکان.

هاوکات،  ئیداره‌ی خۆسه‌ر دواخستنى هەڵبژاردنەکەى پشتڕاستکردەوە و ئاماژەى بەوەکرد، له‌ رۆئاوای كوردستان هه‌ڵبژاردنی ئه‌نجومه‌نی شاره‌وانییه‌كانی بۆ 8ی ئابی 2024 دواخرا.

دواخستنى ئەو هەڵبژاردنە لەکاتێکدایە، لە دوو رۆژى رابردوودا هەرچوار لایەنى هاوپەیمانی نیشتمانی دیموكراتیی سوریا، حزبی گەشەپێدان و گۆڕانی نیشتمانیی دیموكراتی، حزبی یەكێتی دیموكراتی كوردی لە سوریا(یەكێتی) و حزبی نیشتمانیی سوری داوای دواخستنی هەڵبژاردنی شارەوانییەكان لە ناوچەكە کرد.

ئەمە لە کاتێکدایە، وا بڕیاربوو لە 11ى حوزەیرانى ئەمساڵ هەڵبژاردنی ئەنجوومەنی شارەوانییەکان لە رۆژئاوای کوردستان بەڕێوە بچێت، بۆ ئەو هەڵبژاردنەش  دوو هاوپەیمانی و سێ حزبی سیاسی و ژمارەیەكی زۆر كاندیدی سەربەخۆ، خۆیان بۆ بەشداری لە هەڵبژاردنەكە تۆماركردوە.