وەزارەتی دارایی عێراق: پارەی مووچەی مانگی 5ی هەرێمی کوردستانمان نارد

SNN-

وەزارەتی دارایی عێراق رایگەیاند، پارەی مووچەی مانگی 5ـی فەرمانبەرانی مەدەنی هەرێمی کوردستانمان نارد.

وەزارەتی دارایی عێراق لە راگەیەندراوێکدا بڵاویکردەوە، بەشی ژمێریاری وەزارەتەکە دەستیکرد بە دابینکردنی مووچەی فەرمانبەرانی مەدەنی، کەمئەندامان لە بەڕێوەبەرایەتییەکانی تۆڕی پاراستنی کۆمەڵایەتی و چاودێری و گەشەپێدانی کۆمەڵایەتی و خانەنشینانی سەربازی و مەدەنی و کەسوکاری شەهیدان و ئەنفالکراوان و فەرمانبەرانى گرێبەست لە هەرێمی کوردستان.

ناردنی مووچەی مانگی پێنجی فەرمانبەرانی هەرێمی کوردستان لە کاتێکدایە کە تاوەکو ئێستا هێزەئەمنییەکان مووچەی مانگی چواریان وەرنەگرتووە و تاوەکو ئێستاش نازانرێت کەی دابەشدەکرێت.