حەج و عومرەی هەرێم کاتی دەستپێکردنەوەی گەشتی عومرەی راگەیاند

SNN

حەج و عومرەی هەرێم رایگەیاند، تاکو 21ی تەمموز گەشتکردن بۆ عومرە بە هەردوو رێگەی وشکانی ئاسمانی دەستپێناکاتەوە و پێویستە کۆمپانیاکانیش پابەند بن.

ئەمڕۆ جوارشەممە 3ی تەمموز، حه‌ج و عومره‌ى كوردستان لەبارەی دەستپێکردنەوەی گەشتەکانی عومرە رایگەیاند،‌ تا 21.7.2024 عومره‌ به‌ هه‌ردوو رێگه‌ی ئاسمانی و وشكانی ده‌ستپێناكاته‌وه‌ و هه‌ر كۆمپانیایه‌ك پێش ئه‌م رێکەوتە ده‌ستبكات به‌ گواستنه‌وه‌ی عومره‌كاران، ئه‌وا به‌سه‌رپێچی هه‌ژمار ده‌كرێت.

ئاشکرایکردووە، ئه‌م ئاگاداركردنه‌وه‌یه‌ به‌ مه‌به‌ستی رێكخستنی زیاتر و خزمه‌تكردنی باشترە بۆ عومره‌كاران بۆ ئه‌مساڵ و به‌ پلانێكی تازه‌، ئه‌ویش بۆ به‌ره‌وپێشبردنی پرۆسه‌ی عومره‌ له‌ هه‌رێمی كوردستان و سه‌رله‌نوێ ئه‌نجامدانی گرێبه‌ست له‌گه‌ڵ كۆمپانیاكانی عومره ده‌ستپێده‌كاته‌وه‌.

هاوکات، هۆشداری دەدەنە کۆمپانیاکان كه‌ هیچ كه‌سێك بۆی نییه‌ گه‌شتی عومره‌ ئەنجام بدات تا ئه‌م به‌رنامه‌یه‌ جێبه‌جێ نه‌كرێت، لە هەمان کاتدا بۆیان نییە ریکلام بۆ رێکخستنی گەشتی عومرە بکەن تا پێس رێکەوتی دیاریکرا، ئەگەر سەرپێچی لەو بڕیارە بکەن ئەوا لێپێچینەوەیان لەگەڵدا دەکرێت.