ئەمڕۆ ئەم شوێنانە مووچەی مانگی شەش وەردەگرن

SNN

دوای ئەوەی بەغدا پارەی بەشێک لە مووچەی خۆرانی هەرێمی خستە سەر هەژماری بانکی هەرێم، ئەمڕۆ یەکشەممە ئەو شوێنانە مووچەی مانگی شەش وەردەگرن.

وەزارەتی دارایی و ئابوری هەرێم رایگەیاندبوو، پارەی تەمویلی هەریەکە لە کەسوکاری شەهیدان و ئەنفالکراوان، خاوەن پێداویستییە تایبەتەکان لەگەڵ خانەنشینانی شارستانی و سەربازی و زیندانیای سیاسی لەلایەن بەغداوە گەیشتووەتە هەژماری بانکی هەرێم.

ئاماژەی بەوەکردووە، هەر ئەو شوێنانە ئەمڕۆ یەکشەممە 7ی تەمموز مووچەی مانگی شەش وەردەگرن.

ئەمە لە کاتێکدایە هێشتا پارەی تەمویلی وەزارەتەکانی دیکەی هەرێم لەلایەن بەغداوە نەچووەتە سەر هەژماری بانکی هەرێم، هەر بۆیە ئەوان کاتی وەرگرتنی مووچەکانیان دیار نییە، هاوکات هێزە ئەمنییەکانیش تاکو ئێستا مووچەی مانگی پێنج و شەشیان وەرنەگرتووە و روون نییە چ کاتێک مووچەکانیان وەردەگرن.