ئەمریکا دەربارەی ئۆپراسیۆنی سوپای تورکیا لە خاکی هەرێم هاتە دەنگ
SNN
ماتیۆ میلەر، وتەبێژی وەزارەتی دەرەوەی ئەمریكا، داوای لە حكومەتی توركیا كرد هەماهەنگی بكات لەگەڵ بەرپرسانی عێراق و هەرێمی كوردستان، لەبارەی ئەو ئۆپراسیۆنەی لە دەرەوەی سنوورەكانی ئەنجامیدەدات.
میلەر لە كۆنگرەیەكی رۆژنامەوانیدا رایگەیاند: داوامان لە حكومەتی توركیا كردووە پرۆسە سەربازییەكانی بە هەماهەنگی لەگەڵ بەرپرسانی هەرێم و بەغداد ئەنجامبدات، هاوكات داوشمان كردووە، گیانی هاووڵاتیان بپارێزێت و زیانیان پێنەگەیەنێت.
وتیشی: “تێگەیشتمان هەیە بۆ ئەو مەترسیە بەردەوامەی كە پارتی كرێكرانی كوردستان لە ناوچەكە دروستیكردووە”.
