بەغدا پارەی مووچەی هێزەئەمنییەکانی نارد و سبەی دابەشدەکرێت

-عەلی حەمە سەعید

ئەمڕۆ سێشەممە بڕی نزیكەی 700 ملیار دینار خرایە سەر هەژماری بانكی هەرێم لە هەولێر و سبەینێ چوارشەممە دەستدەكرێت بەدابەشكردنی مووچەی دوومانگی وەزارەتی پێشمەرگەو هێزە ئەمنییەكانی دیكە.

بەگوێرەی ئەوزانیارییانەی کە لەبەرپرسێکی باڵا لە وەزارەتی دارایی و ئابوری حکومەتی هەرێم بە SNNدراون ئەوەخراوەتەڕوو، دوای ئەو نووسراوەی كە محەمەد شیاع سودانی، سەرۆكوەزیرانی عێراق بۆ تەیف سامی، وەزیری دارایی عێراقی ناردووە لەبارەی مووچەی هێزە ئەمنییەكانی هەرێمی كوردستان، وەزیری دارایی بڕیاری خەرجكردنی پارەكەی داوە و ئەمڕۆش پارەی مووچەی مانگی پێنج و شەش خرایە سەر هەژماری وەزارەتی دارایی هەرێمی كوردستان.

ئاماژەی بەوەشكرد، سبەینێ چوارشەممە دەستدەکرێت بەدابەشکردنی مووچەی دوومانگی هێزە ئەمنییەکان، بۆ هەرمانگێکی مووچەی وەزارەتی پێشمەرگەو هێزە ئەمنییەکانی دیکە بڕی 345ملیار دینار پێویست دەبێت وبۆ دوو مانگەکەش نزیکەی 700 ملیار ڕەوانە دەکرێت.